बायर्नको जितमा केनको दुई गोल

ह्यारी केनको दुई गोलको मदतले डिफेन्डिङ च्याम्पियन बायर्न म्युनिकले बुधबार जर्मनकपको आफ्नो पहिलो खेलमा विजयी सुरुआत गरेको छ । बायर्नले दोस्रो डिभिजनको प्रतिद्वन्द्वी ओसनब्रुकलाई एक गोलले पछाडि परेको स्थितिबाट ४–१ ले हराएको हो ।

रोबिन मेसेनरको गोलल् ओसनब्रुकले अप्रत्यासित अग्रता लिएपछि बायर्नका लागि टम बिचोफ र माइकल ओलिसले पनि एक एक एक गोल गरे । बायर्नका लागि केनले सबै खाले प्रतियोगितामा गरेको गोल संख्या १ सय ४८ खेल पुगेको छ ।

सन् २०२३ मा टोटनहमबाट बायर्न आएयता केनले १ सय ५० खेल खेलेका छन् र अहिलेसम्म गोलका लागि आफ्नो उत्कृष्ट लय कायम राखेका छन् ।