बायर्नको जितमा डियाजको हयाट्रिक

लुइस डियाजको शानदार ह्याट्रिक मदतले बायर्न म्युनिकले शनिबार आरबी लाइपजिगलाई ६–१ ले पराजित गरेको छ । यस जितपछि बायर्न अंक तालिकाको शीर्षमा उक्लिन पनि सफल रह्यो ।

यसअघि बोरुसिया डर्टमुन्डले युनियन बर्लिनसँग गोलरहित बराबरी खेलेपछि बायर्नलाई फाइदा पुगेको हो । दुवै टिम समान १४ अंकमा छन् र बायर्न गोल अन्तरले अगाडि रहेको हो । फ्रेबर्ग १३ अंकमा तेस्रो स्थानमा छ र एक खेल कम खेलेको स्थितिमा फेरि शीर्षमा उक्लने अवसर छ ।

बायर्नको जितमा डियाजले १२, ४७ र ६९ औं मिनेटमा गोल गरे । यस्तै एलेक्वान्डर पाभलोभिच, माइकल ओलिस र ह्यारी केनले पनि बायर्नका लागि एक एक गोलको योगदान गरे ।