जाग्रेबको पोस्टमा बायर्नले गर्यो ९ गोल

काठमाडौं । बायर्न म्युनिखले डिनामो जाग्रेबमाथि ९–२ गोलको फराकिलो जित हासिल गरेको छ।

युइएफए च्याम्पियन्स लिगको पहिलो खेलमा घरेलु मैदान एलियान्ज रंगशालामा मंगलबार बायर्नको जितमा ह्यारी केनले चार, माइकल ओलीसेले दुई तथा राफेल गुरेरो, लिरोय साने र लियोन गोरेट्जकाले समान एक गोल गरे। यता, जाग्रेबका लागि ब्रुनो पेट्कोभिच र टाकिया ओगिवाराले गरेको गोल सान्त्वना बन्यो।

खेलको १९औं मिनेटमा केनको गोलमार्फत बायर्नले अग्रता लिएको थियो। ३३औं मिनेटमा गुरेरोले टोलीको अग्रता दोब्बर बनाएका थिए।