भिल्लामाथि फरेस्टको साँघुरो जित

क्रिस उडले पेनाल्टीबाट गरेको निर्णायक गोलको मदतले युरोपा लिग सेमिफाइनल पहिलो लेगमा बिहीबार एस्टन भिल्लालाई १–० ले हराएको छ । सिटी ग्राउन्डमा भिल्ला डिफेन्डर लुकास डिग्नेले अनावश्यक रूपमा बल ह्यान्ड गरेपछि घरेलुले पेनाल्टीको अवसर पाएको हो ।

यस साँघुरो जितपछि फरेस्ट सन् १९८० यता पहिलो पटक युरोपेली फाइनल पुग्ने सम्भावनाबाट गुज्रेको छ । पछिल्लो समय लय समाटेको फरेस्ट सबै प्रतियोगिताका नौ खेलमा अपराजित छ र यससँगै प्रिमियर लिगमा पनि रेलिगेसनबाट जोगिने संघारमा पनि छ ।  

प्रतियोगिताको बिहीबार भएको अर्को सेमिफाइनलमा डोरगेलेसले दोस्रो हाफको इन्ज्युरी समयमा गरेको गोलको मदतले ब्रागले फ्रेबर्गलाई २–१ ले हरायो ।