आर्सनल जित्दा टोटनहमको निराशाजनक प्रदर्शन कायम

उत्तरी लन्डनका दुई क्लब आर्सनल र टोटनहमले इंग्लिस प्रिमियर लिगमा शनिबार दुई फरक नतिजा बेहोरेको छ । आर्सनलले आफ्नो शतप्रतिशत प्रदर्शन कायम राख्दै शनिबार सन्डरल्यान्डलाई २–० ले हराउन सफल रह्यो र यससँगै शीर्ष स्थानमा पनि उक्लेको छ ।

स्टेडियम अफ लाइटमा भएको खेलमा आर्सनलका लागि ब्रुनो गुइमारेस ५८ र बुकायो साकाले इन्ज्युरी समयमा एक एक गोल गरे । अब आर्सनलको चार खेलबाट अधिक्तम १२ अंक भएको छ । सन्डरल्यान्ड भने चार खेलबाट चार अंकमा १४ औं स्थानमा रह्यो ।

टोटनहमले भने एभरटनविरुद्ध निराशाजनक गोलरहित बराबरी खेलेको हो । टोटनहमको चार खेलबाट दुई अंक भएको छ र यो सिजन उनले यी खेलमा कुनै गोल गर्न सकेको छैन् । संयमित देखिएको एभरटन भने छ अंकमा सातौं स्थानमा रह्यो ।