लिग लिडर आर्सनलको सहज जित, जेजुसको कमब्याक

काठमाडौ- इंग्लिस प्रिमियर लिगको लिग लिडर आर्सनलले सहज जित निकाल्दै उपाधि होड बलियो बनाएको छ।

राति भएको खेलमा आर्सनलले लिड्स युनाइटेडलाई ४-१ गोल अन्तरले पराजित गरेको हो।

आर्सनलको जितमा चोटका कारण करिब पाच महिनापछि मैदान फर्किएका ब्राजिलियन फर्वाड गाब्रीएल जेजुसले दुई तथा बेन ह्वाइट र ग्राइन्ट जाकाले १-१ गोल गरे। त्यस्तै लिड्सका लागि रासमस क्रिस्टेनसेनले एक गोल गरे।

यो जितसंगै आर्सनलले २९ खेलबाट ७२ अंक जोड्दै दोस्रो स्थानको सिटीमाथि ८ अंकको अग्रता कायम राखेको छ । एक खेल कम खेलेको सिटीको ६४ अंक रहेको छ।