अर्जेन्टिना सेमिफाइनलमा इंग्लयान्डको सामना गर्दै

डिफेन्डिङ च्याम्पियन अर्जेन्टिनाले विश्वकप २०२६ को सेमिफाइनलमा इंग्ल्यान्डको सामना गर्ने भएको छ । कानसास सिटीमा भएको प्रतियोगिताको अन्तिम क्वाटरफाइनल खेलमा अर्जेन्टिनाले दस खेलाडीमा सीमित स्विटजरल्यान्डलाई अतिरिक्त समयको खेलमा ३–१ ले हरायो ।

अर्जेन्टिनाका लागि जुलियन अल्भारोले १ सय १२ औं मिनेटमा उत्कृष्ट गोल गरे लगतै इन्ज्युरी समयमा लउटारो मार्टिनेजले तेस्रो गोल थपे । खेल टाइब्रेकरतर्फ अग्रसर भएको बेला अल्भारोले उत्कृष्ट गोल गरे र यो नै खेलका निर्णायक मोड सावित भयो । त्यस अगाडि निर्धारित ९० मिनेटको खेल १–१ को बराबरीमा टुंगेको थियो ।

लिभरपुलका एलेक्स म्याक एलिस्टरले दसौं मिनेटमा अर्जेन्टिनालाई अग्रता दिलाए । उनले आफ्ना कप्तान लियोनल मेसीको कर्नरमा सटिक हेडिङ गर्दै गोल गरेका हुन् । स्विट्जरल्यान्डका लागि ६७ औं मिनेटमा डान एडोयले बराबरी गोल फर्काए ।

उनले यसका लागि रिकार्डो रोड्रिग्वकोको पासलाई उपयोग गर्दै नजिकको दूरीबाट गोल गरे । स्विस टिमको यो खुसी लामो समय टिकेन् र ७२ औं मिनेटमा ब्रेल एमबोलो दोहोरो पहेँलो कार्डमा मैदान छाडन् बाध्य रहे ।

डाइभ गरेका एमबोलोलाई ’भार‘को मदतले खेलको दोस्रो पहेँलो कर्डा देखाइएको हो र यससँगै स्विस टिम दस खेलाडीमा सीमित रह्यो ।