ललितपुर मेयर्स कपको उपाधि एपिएफलाई

काठमाडौं- ललितपुर मेयर्स कप महिला टी-२० राष्ट्रिय क्रिकेट प्रतियोगिताको तेस्रो संस्करणको उपाधि नेपाल एपीएफ क्लबले जितेको छ । 

टियु मैदान भएको फाइनल खेलमा कोशी प्रदेशलाई ५४ रनले पराजित गरि एपीएफ च्याम्पियन बनेको  हो । 

एपीएफले दिएको १ सय ५४ रनको लक्ष्य पछ्याएको कोशी प्रदेशले २० ओभरमा ६ विकेट गुमाएर १०० रन मात्र बनाउन सक्यो । 

कोशीका लागि कप्तान रुविना क्षेत्रीले सर्वाधिक  ४१ ३५ रन बनाउँदा लकिता राजवंशीले २१ अविजित रन बनाईन् । अप्सरी बेगमले १० रन बनाईन् । 

एपीएफका लागि बिनु बुढाले २ तथा रेखा रावल, नेरी थापा र सोनु खड्काले समान १/१ विकेट लिईन् । 

त्यसअघि टस हारेर पहिले ब्याटिङ गरेको एपीएफले २० ओभरमा १ विकेट गुमाएर १५४ रन बनाएको हो ।

एपीएफका लागि ओपनर तथा कप्तान सीता राना मगरले ७९ रनको अर्धशतकीय ईनिङ खेलिन् । 

त्यस्तै इन्दु बर्माले ५१ रनको अर्धशतकीय ईनिङ खेलिन् । सीता र इन्दुबीच दोस्रो विकेटका लागि १ सय ३६ रनको साझेदारी भएको थियो।

कोशीका लागि अलिसा खडियाले १ विकेट लिएकि थिइन ।