एलाभेससँग भालेकानोको बराबरी

रायो भालेकानोले स्पेनी ला लिगाको नयाँ सिजनको आफ्नो पहिलो खेलमा बिहीबार डेपोर्टिभो एलोभेससँग १–१ को बराबरी खेलेका छन् । यससँगै दुवै टिम एक एक अंकमा चित्त बुझाउन बाध्य रहे ।

स्टोडियो म्युनिसिपालमा भएको खेलमा सर्जिओ कमेलोले ४८ औं मिनेटमा गोल गर्दै भालेकानोलाई अग्रता दिलाए र यो लामो समयसम्म कायम रह्यो । तर खेलको ८४ औं मिनेटमा सब्टिच्युट मारिनो डियाजले बराबरी गोल फर्काए ।

भालेकानोले आफ्नो पहिलो खेल भने घरेलु मैदान भालेकास स्टेडियममा खेल्न पाएन् । सुरक्षाका कारण यो मैदानलाई माथिल्लो डिभिजनको फुटबलका लागि अयोग्य मानिएको छ । यसको स्थानमा लेगानेसको मैदानमा खेल भएको थियो ।