अफगानिस्तानले हङकङ सिक्सेसका लागि टोली घोषणा

अफगानिस्तानले आगामी 'हङकङ सिक्सेस २०२६ ‘ क्रिकेट प्रतियोगिताका लागि आफ्नो टोलीको घोषणा गरेको छ।

अफगानिस्तानले अनुभवी खेलाडी गुलबदिन नाइबको कप्तानीमा ७ सदस्यीय टोली घोषणा गरेको हो।

अफगानिस्तानको टोलीमा कप्तान गुलबदिन नाइबसँगै इमरान मिर, करिम जनत, सेदिकुल्लाह पाचा, फरमानुल्लाह सफी, अब्दुल रहमान र नन्गेयालिया खारोटे रहेका छन्।

अफगानिस्तानको समूह चरणको तालिका

• शुक्रबार, अक्टोबर ३०: दक्षिण अफ्रिका विरुद्ध (म्याच ८)। नेपाली समय अनुसार दिउँसो १२:५५ बजे।

• शनिबार, अक्टोबर ३१: ओमान विरुद्ध (म्याच १०)। नेपाली समय अनुसार बिहान ६:३० बजे।

प्रतियोगिता सन् २०२६ अक्टोबर ३० देखि नोभेम्बर १ सम्म हङकङको तिन क्वोङ रोड रिक्रिएसन ग्राउन्डमा सञ्चालन हुनेछ। हङकङ सिक्सेस एक छोटो ढाँचाको (सिक्स-अ-साइड) क्रिकेट प्रतियोगिता हो, जहाँ विश्वभरका प्रतिष्ठित क्रिकेट टोलीहरू सहभागी हुने गर्छन्। यस टोलीले आसन्न प्रतियोगितामा उत्कृष्ट प्रदर्शन गर्ने अपेक्षा गरिएको छ।