थ्रिस्टार विरुद्ध एपिएफको जित

शहिद स्मारक ए डिभिजन लिगमा आज दोस्रो दिनको पहिलो खेलमा शस्त्र प्रहरी बलको एपिएफ क्लबले थ्रिस्टार क्लव विरुद्ध २-० को जित निकालेको छ।

त्रिपुरेश्वरस्थित दशरथ रंगशालामा सम्पन्न खेलमा एपिएफका लागी खेलको ७२ औ मिनेटमा मनि कुमार लामाले फ्रिकिक मार्फत गोल गर्दै टिमलाई सुरुवाती अग्रता दिलाएका थिए।

पहिलो गोल गरेको केहि समयमा नै एपिएफका विदेशी खेलाडी अर्मान बिडोमले खेलको ८६ औं मिनेटमा गोल गर्दै २-० को जित सुनिश्चित गरेको थियो । 

यस जित सॅंगै तीन अंक बटुल्दै एपिएफ क्लब गोल अन्तरको आधारमा तालिकाको शिर्ष स्थानमा रहेको छ।