एसी मिलानसंग नापोलिको लज्जास्पद हार

काठमाडौ- इटालियन सिरी ए को लिग लिडर नापोलीले एसी मिलानसँग लज्जास्पद हार बेहोरेको छ ।

घरेलु मैदानमा नापोली एसी मिलानसंग ४-० को फराकिलो गोलले पराजित भएको हो।

मिलानको जितमा राफेल लिआओले दुई गोल गर्दा ब्राहिम डियाज र एलेक्सिस सेल्समेकरले समान एक-एक गोल गरे।

यो जितपछि एसी मिलानले २८ खेलबाट ५१ अंक जोड्दै तेस्रो स्थानमा उक्लिएको छ । पराजित भएको नापोली समान खेलबाट ७१ अंकसहित शीर्ष स्थानमा कायमै रहेको छ। नापोली अझैपनि दोस्रो स्थानको लाजियोभन्दा  १६ अंङ्कले अगाडी रहेको छ ।