ए डिभिजन लिगमा आज तेस्रो चरणका दुई खेल हुदै

काठमाडौ- जारि सहिद स्मारक ‘ए’ डिभिजन लिगमा आज दुई खेल हुदैछन्।

एन्फा कम्प्लेक्समा आज हुने पहिलो खेलमा एफसी खुमलटार र थ्री स्टार क्लब भिड्दै छन्। यी दुईबिचको खेल दिउँसो २:३० बजे सुरु हुनेछ ।

लिगमा खुमलटार २ खेलमा ३ अंक जोडेर आठौं स्थानमा रहेको छ ।

उता थ्री स्टार २ खेलमा १ अंक जोडेर ११ औं स्थानमा रहेको छ ।

त्यस्तै आज हुने दोस्रो तथा अन्तिम खेलमा हिमालयन शेर्पा र चर्च ब्वाइज युनाईटेडबीच प्रतिस्पर्धा हुनेछ । यी दुईबीचको खेल साँझ ५:३० बजे सुरु हुनेछ ।

लिगमा हिमालयन २ खेलमा ४ अंक जोडेर छैटौं स्थानमा रहेको छ।

त्यस्तै चर्च ब्वाइज दुई खेलमा ६ अंक जोडेर शीर्ष स्थानमा रहेको छ ।

लिगमा आजदेखि तेस्रो चरणका खेलहरु सुरु भएका छन्।