'ए' डिभिजन लिगमा आज तीन खेल हुँदै

काठमाडौ- जारि सहिद स्मारक 'ए' डिभिजन लिग फुटबलमा आज तीन खेल हुँदैछ ।

दशरथ रंगशालामा दिउँसो ३ बजे सुरु हुने खेलमा मछिन्द्र फुटबल क्लबविरुद्ध हिमालयन शेर्पा क्लब भिड्दैछ।

मछिन्द्र २४ खेलमा ३९ अंक जोड्दै दोस्रो स्थानमा रहदा शेर्पा ३१ अंक जोडेर आठौं स्थानमा रहेको छ ।

सोहि समय च्यासल मैदानमा मनाङ मर्स्याङ्दी क्लब र न्युरोड टिम एनआरटी भिड्दैछन्।

एनआरटी २४ खेलमा ३० अंक जोडेर ११ औं स्थानमा रहदा ३२ अंक जोडेर छैटौं स्थानमा मनाङ रहेको छ ।

त्यस्तै आज हुने अन्तिम खेलमा दशरथ रंगशालामा साझ ६ बजे संकटा क्लब र फ्रेन्ड्स क्लब भिड्दैछन्।

फ्रेन्ड्स २४ खेलमा २६ अंक जोड्दै पुछारमा रहदा संकटा ३० अंक जोड्दै दशौँ स्थानमा रहेको छ ।