विश्वविजेता अर्जेन्टिना फिफा वरियताको शीर्ष स्थानमा कायमै

फिफाले आज सार्वजनिक गरेको नया वरियतामा कतार विश्वकप विजेता अर्जेन्टिना शीर्ष स्थानमा यथावत रहेको छ।

दुईमहिना अघि शिर्ष स्थानमा उक्लिएको अर्जेन्टिनाले यसलाई निरन्तरता दिन सफल भएको हो।

फ्रान्स दोस्रो स्थानमा रहदा ब्राजिल तेस्रो स्थानमा रहेको छ।

त्यस्तै इंग्ल्याण्ड चौथो, बेल्जियम पाँचौ स्थानमा छन् भने क्रोएसिया छैटौं, नेदरल्याण्ड्स सातौं स्थानमा छन्। इटली आठौं, पोर्चुगल नवौँ र स्पेन दशौँ स्थानमा यथावत छन्।

एसियाली राष्ट्रमध्ये जापान सबैभन्दा माथि २०औं स्थानमा रहँदा इरान २२औं स्थानमा छ। अष्ट्रेलिया २७औं र दक्षिण कोरिया २८औं स्थानमा छ।