खुमलटारसंग आर्मि स्तब्ध

काठमाडौ- जारि सहिद स्मारक 'ए' डिभिजन लिग फुटबलमा त्रिभुवन आर्मी क्लब एफसी खुमलटारसंग पराजित भएको छ।

त्रिपुरेश्वरस्थित दशरथ रंगशालामा भएको आजको अन्तिम खेलमा खुमलटारसंग आर्मी ३-२  गोल अन्तरले पराजित भएको हो ।

खुमलटारका लागी  मेसुके ओलुमोउले खेलको सातौं र  २७ औं मिनेटमा फ्रिकिक मार्फत गोल गर्दै दुई गोल गर्दा कप्तान रेजिन सुब्बाले ५२ औं मिनेटमा एक गोल गरे।

यता आर्मिका लागी खेलको १८ औं मिनेटमा नवयुग श्रेष्ठले पेनाल्टीमार्फत गोल गर्दा खेलको ९० औं मिनेटमा सुशान्त चौधरिले गोल गरे।

यो जितसंगै खुमलटारले ९ खेलमा १० अंक जोड्दा आर्मीले ९ खेलमा १२ अंक जोडेको छ ।