ए डिभिजन लिगमा आज दुई खेल हुँदै

काठमाडौं । शहिद स्मारक ए डिभिजन लिग फुटबल अन्तर्गत आज दुई खेल हुँदैछ ।

च्यासल मैदान र एक खेल एन्फा कम्प्लेक्समा हुने दुबै खेल दिउँसो ३ बजे सुरुहुनेछ ।

च्यासल रंगशालामा सातदोबाटो युथ क्लब र न्युरोड टिम एनआरटीबीच प्रतिस्पर्धा हुनेछ ।

सातदोबाटो २१ खेलमा २९ अंक जोडेर पाँचौं स्थानमा रहेको छ । एनआरटी २१ खेलमा २६ अंक जोडेर दशौँ स्थानमा रहेको छ ।

एन्फा कम्प्लेक्समा मनाङ मर्स्याङ्दी क्लब र थ्री स्टार क्लबबीच प्रतिस्पर्धा हुनेछ । मनाङ छैटौं जितको खोजीमा हुनेछ ।

मनाङ २१ खेलमा २५ अंक जोडेर १२ औं स्थानमा रहेको छ । थ्री स्टार २१ खेलमा २६ अंक जोडेर नवौं स्थानमा रहेको छ ।