'ए' डिभिजन लिगमा आज तीन खेल हुँदै

काठमाडौं- जारि सहिद स्मारक 'ए' डिभिजन लिग फुटबलमा आज तीन खेल हुँदैछ ।

त्रिपुरेश्वरस्थित दशरथ रंगशालामा दिउँसो २ बजे सुरुहुने खेलमा जावलाखेल युथ क्लब र एपीएफ क्लब भिड्दैछन्।

जावलाखेल २१ खेलमा ३४ अंक जोडेर तेस्रो स्थानमा रहदा एपीएफ २१ खेलमा २६ अंक जोडेर आठौं स्थानमा रहेको छ ।

च्यासल मैदानमा दिउँसो ३ बजे हुने खेलमा त्रिभुवन आर्मी क्लब र मछिन्द्र फुटबल क्लब भिड्दैछन्।

मछिन्द्र २१ खेलमा ३५ अंक जोडेर दोस्रो स्थानमा रहदा आर्मी २१ खेलमा २९ अंक जोडेर चौंथो स्थानमा रहेको छ ।

आज हुने अन्तिम खेलमा दशरथ रंगशालामा साँझ ६ बजे चर्च ब्वाइज युनाईटेड र संकटा क्लब भिड्दैछन्।

चर्च ब्वाइज २१ खेलमा ३८ अंक जोडेर शीर्ष स्थानमा रहदा संकटा २१ खेलमा २३ अंक जोडेर १३ औं स्थानमा रहेको छ ।