'ए' डिभिजन लिगमा आज तीन खेल

काठमाडौं- जारि सहिद स्मारक 'ए' डिभिजन लिग फुटबलमी आज तीन खेल हुँदैछ।

दशरथ रंगशालामा दिउसो ३ बजे हुने पहिलो खेलमा न्युरोड टिम एनआरटी र नेपाल पुलिस क्लब भिड्दैछन्।

पुलिस २२ खेलमा ३१ अंक जोडेर चौंथो स्थानमा रहदा एनआरटी २२ खेलमा २९ अंक जोडेर आठौं स्थानमा रहेको छ ।

सोहि समय च्यासल मैदानमा फ्रेन्ड्स क्लब र हिमालयन शेर्पा क्लब भिड्दैछन्।

शेर्पा २२ खेलमा २९ अंक जोडेर नवौं औं स्थानमा रहदा फ्रेन्ड्स २२ खेलमा २४ अंक जोडेर १३ औं स्थानमा रहेको छ ।

त्यस्तै आज हुने अन्तिम खेल दशरथ रंगशालामा मनाङ मर्स्याङ्दी क्लब र एफसी खुमलटारबीच हुदैछ।

मनाङ २२ खेलमा २८ अंक जोडेर दशौँ स्थानमा रहदा पुच्छारमा रहेको खुमलटारको २२ खेलमा २४ अंक रहेको छ।