'ए' डिभिजन लिगमा आज दुई खेल हुँदै

काठमाडौ- जारि सहिद स्मारक 'ए' डिभिजन लिग फुटबलमा आज दुई खेल हुँदैछन् ।

त्रिपुरेश्वरस्थित दशरथ रंगशालामा दिउँसो २ बजे हुने पहिलो खेलमा नेपाल पुलिस क्लब र एफसी खुमलटार भिड्दैछन्।

२० खेलमा २५ अंक जोडेको पुलिस तालिराको १० औं स्थानमा रहदा पुच्छारमा रहेको खुमलटारको समान खेलमा २१ अंक रहेको छ।

त्यस्तै अन्तिम खेलमा हिमालयन शेर्पा क्लब र थ्री स्टार क्लब भिड्दैछन्। दशरथ रंगशालामा हुने खेल साँझ ६ बजेबाट सुरु हुनेछ ।

२० खेलमा २६ अंक जोडेर शेर्पा आठौं स्थानमा रहदा थ्री स्टार समान खेलमा २६ अंक जोडेर छैटौं स्थानमा रहेको छ ।