थ्री स्टारलाई लिग लिडर बन्ने मौका

काठमाडौ- जारि सहिद स्मारक ए डिभिजन लिगमा आज थ्री स्टार क्लब र न्युरोड टिम (एनआरटी) भिड्दैछन्।

सातदोबाटोस्थित एन्फा कम्प्लेक्समा हुने यी   दुईबिचको खेल दिउँसो ३ बजेबाट सुरु हुनेछ ।

लिगमा १२ खेल खेल्दै २२ अंक जोडेर दोस्रो स्थानमा रहेको थ्री स्टार आजको खेल जित्दै लिग लिडर बन्ने लक्ष्यमा रहेको छ। लिग लिडर रहेको जावलाखेलको समान खेलमा २३ अंक रहेको छ।

उता एनआरटी १२ खेलमा १३ अंकसहित ११औं स्थानमा रहेको छ ।