शेर्पाले एपिएफलाई हरायो

काठमाडौं । शहिद स्मारक ए डिभिजन लिग फुटबल अन्तर्गत आज एन्फा मुख्यालयमा भएको खेलमा हिमालय शेर्पा क्लबले विभागिय टोली नेपाल एपिएफ फुटबल क्बललाई पराजित गरेको छ । 

शेर्पाले एपिएफलाई ३-२ गोल अन्तरले पराजित गरेको हो । 

हिमालयनको जितमा खामिर गिल्सन, पिस्टोन मुटुम्बा र अबायोमी फाकुन्लेले १/१ गोल गरे । यता एपीएफका सनिश श्रेष्ठ र युवराज खड्काले समान १/१ गोल फर्काए ।

जितसँगै शेर्पाले जारी लिगमा छैटौं जित निकालेको छ । शेर्पाको १९ खेलबाट २४ अंक गरेको छ । पराजित एपीएफले १९ खेलमा २२ अंक जोडेको छ ।