दिपकको उत्कृष्ट प्रदर्शनमा एपिएफविरुद्ध सातदोबाटोको शानदार जित

काठमाडौ- जारि सहिद स्मारक ए डिभिजन लिग फुटबलमा दिपक राज सिंह ठकुरीको उत्कृष्ट प्रदर्शनमा सातदोबाटो युवा क्लबले नेपाल एपिएफ क्लबलाई पराजित गरेको छ ।

त्रीपुरेश्वरस्थित दशरथ रंगशालामा आज भएको अन्तिम खेलमा सातदोबाटोले एपिएफलाई ३-० गोलअन्तरले पराजित गरेको हो।

सातदोबाटोलाई जिताउन दिपकले २ गोल गर्दा विलियम ओपोकुले १ गोल गरे ।

यो जितसंगै सातदोबाटो १७ खेलमा २६ अंकका साथ चौथो स्थानमा उक्लिएको छ । उता एपिएफ १७ खेलमा २२ अंक जोडेर सातौं स्थानमा रहेको छ ।