लिग लिडर चर्च ब्वाइज संकटासंग स्तब्ध

काठमाडौं- जारि सहिद स्मारक 'ए' डिभिजन लिग फुटबलमा लिग लिडर चर्च ब्वाइज युनाईटेड संकटा क्लबसंग पराजित भएको छ ।

दशरथ रंगशालामा आज भएको अन्तिम खेलमा चर्च ब्वाइज संकटा क्लबसंग १-० गोल अन्तरले पराजित भएको हो ।

संकटालाई जिताउन युसुफ एट्रिसले खेलको ६९ औं मिनेटमा गरेको गोल नै निर्णायक बन्यो।

यो नतिजासंगै चर्च ब्वाइज २२ खेलमा ३८ अंक जोडेर शीर्ष स्थानमा भने कायमै रहेको छ । उता संकटाको २२ खेलमा २६ अंक पुग्दै रेलिगेसन जोन बाहिर निस्किएको छ।