संकटाविरुद्ध मच्छिन्द्रको सहज जित

काठमाडौ- जारि सहिद स्मारक ए डिभिजन लिगमा साविक विजेता मच्छिन्द्र फुटबल क्लबले संकटाविरुद्ध सहज जित निकालेको छ।

दशरथ रंगशालामा भएको खेलमा मच्छिन्द्रले संकटालाई ३-१ गोलअन्तरले पराजित गरेको हो।

मच्छिन्द्रको जितमा देवेन्द्र तामाङ, विमल घर्ती मगर र अ‍ोलावाले आफिजले समान १-१ गोल गरे । 

संकटाका जुनियर एन्कुंगेले १ गोल गरे।

यो जितसँगै मच्छिन्द्र १४ खेलमा २१ अंक जोडेर पाँचौ स्थानमा उक्लिएको छ । उता पराजित भएको संकटा समान खेलमा १६ अंक रहेको छ ।