साफ च्याम्पियनसिपको सेमिफाइनल सेमिकरण पूरा

काठमाडौं । बंगलादेशले भुटननलाई पराजित गरेसँगै भारतको बैंगलरुमा जारी १४औं संस्करणको साफ च्याम्पियनसिप २०२३ को सेमिफाइनलको समिकरण पूरा भएको छ ।

बुधबार राति कान्तिरभा रंगशालामा भएको खेलमा भुटानलाई ३-१ ले हराउँदै बंगलादेश समूह बीको उपविजेताका रुपमा सेमिफाइनल पुगेको हो । 

योसँगै सन् २००९ पछि बंगलादेश पहिलो पटक साफ च्याम्पियनसिपको सेमिफाइनलमा पुगेको हो । 

यसै समूहबाट लेवननले माल्दिभ्सलाई १-० ले हराउँदै समूह बीको विजेता बनेको थियो । अब सेमिफाइनलमा लेवनाने भारतको र बंगलादेशले कुवेतको सामना गर्नेछ ।

भुटान यसअघि नै प्रतियोगितबाट बाहिरिसकेको थियो भने लेवननसँगको हारपछि माल्दिभ्स पनि बाहिरिएको छ । 

अब शनिबार हुने पहिलो सेमिफाइनल खेलमा कुवेत र बंगलादेश तथा दोस्रो सेमिफाइनल भारत र लेवनानबीच हुनेछ । समूह एबाट नेपाल र पाकिस्तान समूह चरणबाटै बाहिरिएका थिए । यो समूहमा कुवेत र भारत अपराजित रहँदै ३ खेलबाट समान ७ अंक जोड्दै क्रमश विजेता र उपविजेताको रुपमा सेमिफाइनलमा प्रवेश गरेका छन् । 

यता समूह बी मा लेवनानको ९ अंक, बंगलादेशको ६ अंक रह्यो । बाहिरिएको माल्दिभ्सको ३ अंक र भुटान अंक विहिन रह्यो ।