संकटाविरुद्ध सातदोबाटोको सहज जीत

काठमाडौ- जारि सहिद स्मारक 'ए' डिभिजन लिग फुटबलमा संकटाविरुद्ध सातदोबाटोले सहज जीत निकालेको छ।

च्यासल रंगशालामा भएको खेलमा रोयल ब्लु सातदोबाटोले संकटा क्लबलाई ४-० गोलअन्तरले पराजित गरेको हो ।

सातदोबाटोलाई जिताउन दीपक राजसिंह ठकुरी र विलियम एसिडेउले समान २-२ गोल गरे ।

यो संगै दिपक ९ गोल गर्दै जारि लिगको टप स्कोरर समेत बनेका छन्।

यो जितसंगै सातदोबाटो १२ खेलमा २१ अंक जोड्दै तालिकाको तेस्रो स्थानमा उक्लिएको छ ।

उता संकटा १२ खेलमा १५ अंक जोडेर नवौं स्थानमा कायम रहेको छ ।