सातदोबाटोलाई शिर्ष स्थानमा फर्किने मौका

काठमाडौ- जारि शहिद स्मारक ए डिभिजन लिगमा आज दुई खेल हुदैछन् ।

पहिलो खेलमा संकटा क्लब र सशस्त्र प्रहरीको एपीएफ क्लब च्यासल रंगशालामा भिड्दैछन्। यी दुईबिचको खेल दिउसो ३ बजे सुरु हुनेछ।

लिगमा संकटा अहिलेसम्म ८ खेलमा १२ अंकका साथ तालिकाको आठौ स्थानमा रहेको छ । 

उता एपीएफ ९ खेलमा ११ अंक सहित १०औँ स्थानमा रहेको छ ।

त्यस्तै आज हुने अन्तिम खेलमा सातदोबाटो युथ क्लब र नेपाल पुलिस क्लब भिड्दैछन्। यी दुई टोलि साँझ ६ बजेदेखि दशरथ रंगशालामा भिड्दैछन्।

सातदोबाटो आजको खेल जित्दै शिर्ष स्थानमा फर्किने लक्ष्यमा रहेको छ। लिगमा उसको ८ खेलमा १६ अंकसहित तालिकाको दोस्रो स्थानमा रहेको छ ।

उता पुलिस ८ खेलमा ४ अंक सहित लिगको पुछारमा रहेको छ ।