लिग लिडर जावलाखेललाई हराउदै पुलिस रेलिगेसन बाहिर

काठमाडौ- जारि सहिद स्मारक 'ए' डिभिजन लिग फुटबलमा लिग लिडर जावलाखेल नेपाल पुलिस क्लसंग पराजित भएको छ।

सातदोबाटोस्थित एन्फा कम्प्लेक्समा भएको खेलमा पुलिसले जावलाखेललाई २-१ गोलअन्तरले पराजित गरेको हो।

पुलिसको जितमा मोसेस ग्याबाहले खेलको ३५औ मिनेटमा र अहमद हिजाजीले खेलको ८८ औ मिनेटमा गोल गरे ।

उता जावलाखेलका लागी खेलको ८९ औं मिनेटमा विपिन कँडेलले गोल गरे।

यो जितसंगै पुलिस रेलिगेसन जोनबाट बाहिर निस्किएको छ। पुलिस १४ खेलमा १५ अंकसहित १० औं स्थानमा उक्लिएको छ ।

उता जावलाखेल १४ खेलमा २४ अंक जोड्दै शीर्ष स्थानमा कायम रहेको छ ।