न्युकासल २ दशकपछि च्याम्पियन्स लिगमा छनोट

काठमाडौ- प्रिमियर लिग अन्तर्गत मंगलबार राति भएको खेलमा लेस्टर सिटीसँग गोलरहित बराबरी खेलेसंगै न्युकासल युनाइटेड २० वर्षपछि युरोपियन च्याम्पियन्स लिगमा छनोट भएको छ ।

यो बराबरिसंगै न्युकासलले शीर्ष चारमा रहेर च्याम्पियन्स लिगमा स्थान पक्का गरेको हो ।

न्युकासलले सन् २००२-०३ मा च्याम्पियन्स लिगमा स्थान बनाएको थियो।

न्युकासलले म्यानचेष्टर युनाइटेड,लिभरपुल, टोटेनहम, चेल्सी जस्ता ठुला क्लबलाई पछि पार्दै ३७ खेलबाट ७० अंकसहित टप-४ सुरक्षित गरेको हो।

यसअघिनै उपाधि भने म्यानचेस्टर सिटीले जितिसकेको छ। त्यस्तै आर्सनलले दोस्रो स्थान सुरक्षित गरिसकेको छ।