युएईविरुद्ध नेपालको नाटकिय जित

काठमाडौँ- आईसीसी एकदिवसीय विश्वकप छनोटअन्तर्गत प्ले अफ खेलमा नेपालले युएईलाई पराजित गरेको छ।

विश्वकप छनोटअन्तर्गत सातौँ स्थानका लागि आज भएको प्ले अफ सेमिफाइनलमा नेपाललले युएईलाई ३ विकेटले हराएको हो।

जिम्बावेको हरारेमा भएको खेलमा जितका लागि युएईले दिएको १८२ रनको लक्ष्य नेपालले ४४औँ ओभरमा पूरा गरेको हो।

नेपालका लागी दीपेन्द्रसिंह ऐरीले अविजित ७९ रन बनाए। त्यस्तै कुशल भुर्तेल ३५, ज्ञानेन्द्र मल्ल १३ र गुल्शन झाले १२ रन बनाए।

बलिङतर्फ नेपालका लागि सन्दीप लामिछाने र करण केसीले ३/३ विकेट लिए । त्यस्तै प्रतिश जिसी, गुल्शन झा र दीपेन्द्रसिंह ऐरीले १/१ विकेट लिए।