भियतनामविरुद्ध जित्नैपर्ने दबाबमा नेपाल

काठमाडौ- नेपाली राष्ट्रिय महिला फुटबल टोलिले आज पेरिस ओलम्पिक अन्तर्गतको पहिलो चरणको छनोटको दोस्रो खेलमा बलियो टोलि भियतनामविरुद्ध खेल्दैछ।

त्रिपपरेश्वरस्थित दशरथ रंगशालमा साझ ६ बजे सुरु हुने खेलमा नेपाललाई दोस्रो चरणमा स्थान बनाउन आज कम्तिमा पनि ४-० को स्पष्ट जित न्काल्न आवश्यक रहेको छ।

पहिलो खेल ५-१ ले गुमाएको नेपाल आज दबाबमा हुनेछ। नेपालले आज जित निकाल्न नसकेको अवस्थामा छनोट चरणबाट बाहिरिने छ।

छनोट खेलमा शीर्ष स्थानमा रहने टोलीले दोस्रो चरणमा स्थान बनाउने छन् । पहिलो चरणमा एसियाका २६ टोलीलाई सात समूहमा विभाजन गरिएको छ । हरेक समूहका शीर्ष टोली दोस्रो चरणमा छनोट हुने छन् ।

भियतनामले आउदो महिला विश्वकप फुटबल खेल्दैछ। त्यस्तै फिफा वरीयतामा  भियतनाम ३३औ स्थानमा रहेको बलियो टोलि हो।

नेपाली टिमः

गोलकिपरः एन्जिला तुम्बापो सुब्बा (कप्तान), अञ्जना राना मगर र उषा नाथ

डिफेन्डरः समीक्षा घिमिरे, हिरा कुमारी भुजेल, अमृता जैशी, विमला विक, निशा थोकर, पूजा राना र सिर्जना चेम्जोङ

मिडफिल्डरः रेणुका नगरकोटे, विमला चौधरी, सरु लिम्बु, दिपा शाही, सविता राना मगर, अनिता बस्नेत र अनिता केसी

फरवार्डः अमिषा कार्की, रेखा पौडेल, सावित्रा भण्डारी, रश्मी कुमारी घिसिङ र निर्मला विक