रोनाल्डो सम्मिलित अल नासरका प्रशिक्षक गार्सिया बर्खास्त

काठमाडौ- क्रिष्टियानो रोनाल्डो सम्मिलित साउदीयन क्लब अल नासरले आफ्ना मुख्य प्रशिक्षक रुडी गार्सियालाई बर्खास्त गरेको छ । 

खेलाडीहरूसँग गार्सियाको सम्बन्ध राम्रो नभएको कारण क्लबले उनलाई बर्खास्त गरेको हो। त्यस्तै ड्रेसिङ रूममा खराव व्यवहारका कारण मिडिया रिपोर्टहरूले गर्दा पनि उनलाई वर्खास्त गरिएको हो।

साउदियन लिगमा सात खेल मात्र बाँकी रहँदा अल नासर दोस्रो स्थानमा रहेको छ। बाकी खेलमा राम्रो नतिजा ल्याउन नसके अल नासर  यो सिजन उपाधिविहिन हुनेछ।

त्यस्तै अल–नासरले यसअघिनै साउदी सुपर कपको फाइनलमा पराजय व्यहोरिसकेको छ।