थ्री स्टारलाई हराउँदै मनाङले निकाल्यो पछिल्लो ८ खेलमा पहिलो जित

सहिद स्मारक ’ए’ डिभिजन लिग फुटबल अनर्गत आज भएको खेलमा मनाङ मर्स्याङ्दी क्लब विजयी भएको छ । 

एन्फा कम्प्लेक्समा आइतबार भएको खेलमा मनाङले थ्री स्टार क्लबलाई १–० गोलले पराजित गरेको हो ।

मनाङको जितमा चेतन कुमार थारुले निर्णायक बन्यो । उनले खेलको ३८औं मिनेटमा गोल गरेका थिए ।

मनाङले जारी सिजन छैटौं जित निकालेको छ । मनाङले २२ खेलमा २८ अंक जोडेको छ । मनाङ दशौँ स्थानमा उक्लिएको छ । यता पराजित थ्री स्टारले २२ खेलमा २६ अंक जोडेर ११ औं स्थानमा रहेको छ ।