मनाङको लगातार चौथो पराजय, खुमलटारसंग स्तब्ध

काठमाडौ- जारि शहिद स्मारक ए डिभिजन लिगमा मनाङ मर्स्याङ्दी क्लबलाई खुमलटारले पराजित गरेको छ ।

त्रिपुरेश्वरस्थित दशरथ रंगशालामा भएको खेलमा खुमलटारले मनाङलाई २-१ गोल अन्तरले पराजित गरेको हो ।

खुमलटारको जितमा दुवै गोल मेसुके ओलुमोउले खेलको १३औ र इन्जुरी समयमा गरे।

 यता मनाङका लागी कोफी टिमोथी कुडोले एक गोल खेलको ५३ औ मिनेटमा फर्काए। मनाङका लागि कुडोले पेनाल्टीमा गोल गर्न सकेनन्।

यो जितसंगै खुमलटारको ११ खेलमा १३ अंक पुगेको छ। उता मनाङको ११ खेलमा १५ अंक रहेको छ ।