ए डिभिजन लिगमा आज तीन खेल हुदै

काठमाडौ- जारि शहिद स्मारक ए डिभिजनमा आज तीन खेल हुदैछ।

दिउसो ३ बजे च्यासल मैदानमा हुने खेलमा नेपाल पुलिस क्लब र एपीएफ फुटबल क्लब भिड्दैछन्।

पुलिस क्लब १७ खेलमा १९ अंकसहित १३औं स्थानमा रहदा एपीएफ १७ खेलमा २२ अंकसहित १०औं स्थानमा रहेको छ ।

सोहि समय दशरथ रंगशालामा थ्री स्टार क्लब र  त्रिभुवन आर्मी क्लब भिड्दैछन्।

थ्री स्टार १७ खेलमा २५ अंकसहित पाँचौं स्थानमा छ रहदा आर्मी १७ खेलमा २४ अंकसहित छैटौं स्थानमा रहेको छ । 

त्यस्तै आज हुने अन्तिम खेलमा दशरथ रंगशालामा सातदोबाटो युथ क्लब र एपिआइ चर्च ब्वाइज युनाइटेड भिड्दैछन्।

सातदोबाटो १७ खेलमा २६ अंकसहित चौथो स्थानमा रहदा चर्च ब्वाइज १७ खेलमा ३० अंकसहित दोस्रो स्थानमा रहेको छ ।