ए डिभिजन लिगमा आज तीन खेल हुदै

काठमाडौँ- जारि शहिद स्मारक ए डिभिजन लिगमा आज तीन खेल हुदैछ ।

३ बजेदेखि च्यासल मैदानमा संकटा क्लब र सातदोबाटो युथ क्लब भिड्दैछन् ।

संकटा १५ खेलमा १७ अंकसहित ११औं स्थानमा रहेको छ। त्यस्तै सातदोबाटो १५ खेलमा २३ अंकसहित पाँचौं स्थानमा रहेको छ ।

सोहि समय दशरथ रंगशालामा थ्री स्टार क्लब र  न्यूरोड टिम (एनआरटी) भिड्दैछन्। थ्री स्टार १५ खेलमा २४ अंकसहित तेस्रो स्थानमा रहदा एनआरटी १५ खेलमा १७ अंकसहित १२औं स्थानमा रहेको छ ।

आज साँझ ६ बजेहुने अन्तिम खेल दशरथ रंगशालामा जावलाखेल युथ क्लब र हिमालयन शेर्पा क्लब भिड्दैछन् । 

जावलाखेल १५ खेलमा २४ अंकसहित दोस्रो स्थानमा रहदा हिमालयन शेर्पा १५ खेलमा २० अंकसहित आठौं स्थानमा रहेको छ ।