फ्रेन्ड्सविरुद्ध सहज जित निकाल्दै जावलाखेल शीर्षस्थानमा

काठमाडौ- जारि सहिद स्मारक ए डिभिजन लिग फुटबलमा आज भएको खेलमा फ्रेन्ड्स क्लबविरुद्ध सहज जित निकाल्दै जावलाखेल

शीर्ष स्थानमा उक्लिएको छ ।

एन्फा कम्प्लेक्समा भएको खेलमा फ्रेन्ड्स क्लबलाई जावलाखेलले ४-१ गोलअन्तरले पराजित गरेको हो।

जावलाखेलाई  जिताउन एनकोटो मासोआबीले २ गोल गर्दा राहुल र फोडे फोफानाले समान १-१ गोल गरे । 

फ्रेन्ड्सका लागि श्याम बाबु क्यापछाकीले १ गोल गरे।

यो जितसंगै लिग लिडर जावलाखेलको १७ खेलमा ३० अंक पुगेको छ । उता फ्रेन्ड्स १७ खेलमा १९ अंकसहित ११ अ‍ौं स्थानमा रहेको छ ।