तीन वर्षपछि बार्सिलोनाले जित्यो ला लिगाको उपाधि

काठमाडौ- बार्सिलोनाले स्पेनिस ला लिगाको उपाधि जितेको छ ।

उसले चार खेल अगावै उपाधि जितेको हो।

राति भएको खेलमा स्पानयोललाई ४-२ गोलअन्तरले पराजित गर्दै बार्सिलोना ला लिगा च्याम्पियन बनेको हो ।

बार्सिलोनाका लागि रोबर्ट लेवान्डोस्कीले दुई गोल गर्दा अलेजान्द्रो बाल्डे र जुल्स कोउन्डेले समान एक-एक गोल गरे ।

बार्सिलोनाले सन् २०१९ पछि पहिलो पटक ला लिगाको उपाधि जितेको हो ।

बार्सिलोना ३४ खेलमा ८५ अंक जोड्दै शीर्ष स्थानमा रहदा समान खेलबाट रियल ७१ अंकसहित दोस्रो स्थानमा रहको छ।

बार्साले अब बाकि सबै खेलमा पराजय भएपनि रियलले अंक बराबरि गर्ने छैन्।