आर्मी र खुमलटारले अंक बाढे

काठमाडौ- शहिद स्मारक ए डिभिजन लिग फुटबलमा आज भएको खेलमा खुमलटार क्लब र त्रिभुवन आर्मीले बराबरि खेल्दै अंक बाढेका छन्।

दशरथ रंगशालामा भएको खेलमा दुवै टोलिले २-२ गोलको बराबरि खेलेका हुन्।

आर्मीका लागि जगजित श्रेष्ठ र नवयुग श्रेष्ठले समान १-१ गोल गरे। उता खुमलटारका लागी मेसुके ओलुमोउ र स्टेफेन समिरले समान १-१ गोल गरे ।

यो नतिजासँगै आर्मीले १९ खेलमा २६ अंक जोड्दा खुमलटारले १९ खेलमा १८ अंक जोडेको छ ।