खुमलटारविरुद्ध एनआरटीको शानदार कमब्याक जित

काठमाडौ- जारि सहिद स्मारक ए डिभिजन लिगमा फुटबलमा न्यु रोड टिम (एनआरटी) ले एफसि खुमलटारविरुद्ध शानदार कमब्याक जित दर्ता गराएको छ।

दशरथ रंगशालामा आज भएको अन्तिम खेलमा एनआरटीले खुमलटारलाई ३-२ गोलअन्तरले पराजित गरेको हो।

एनआरटीले पहिलो हाफमा २-० ले पछि परेको खेलको दोस्रो हाफमा ३ गोल गरेको हो।

एनआरटीका लागी विक्रम धिमाल र निकोलस सङ्गले समान १-१ गोल गर्दा १ गोल आत्मघाती उपहार पायो। 

खुमलटारका लागि स्टेफन समिर विनोङ र राजिव लोप्चनले समान १-१ गोल गरे ।

यो जितसंगै एनआरटी १७ खेलमा २१ अंकका साथ नवौ स्थानमी उक्लिएको छ । उता खुमलटार १७ खेलमा १७ अंक जोड्दै तालिकाको पुछारमा रहेको छ ।