समिरको ह्याट्रिकमा खुमलटारद्वारा जावलाखेल पराजित

काठमाडौ- जारि सहिद स्मारक 'ए' डिभिजन लिग फुटबलमा आज भएको पहिलो खेलमा लिग लिडर जावलाखेल युथ क्लबलाई एफसी खुमलटारले पराजित गरेको छ।

स्टेफेन समिरको ह्याट्रिकको मद्दतमा एन्फा कम्प्लेक्समा खुमलटारले जावलाखेललाई ४-२ गोल अन्तरले पराजित गरेको हो।

खुमलटारका लागी स्टेफेन समिरले ह्याट्रिक गर्दा मेसुके ओलुमोउले १ गोल गरे।

जावलाखेलका लागी विनोद केसीले १ गोल गर्दा खुमलटारका रोहित सुब्बाले आत्मघाती १ गोल गरे ।

यो जितसंगै खुमलटारले १५ खेलमा १७ अंक जोड्दा जावलाखेल १५ खेलमा २४ अंक जोड्दै शीर्ष स्थानमा कायम रहेको छ ।