फ्रेन्ड्सविरुद्ध एपीएफ र खुमलटारविरुद्ध पुलिस भिड्दै

काठमाडौ- जारि सहिद स्मारक 'ए' डिभिजन लिग फुटबलमा आज दुई खेल हुँदैछ।

पहिलो खेलमा दिउँसो ३ बजे एन्फा कम्प्लेक्समा फ्रेन्ड्स क्लबविरुद्ध एपीएफ क्लब भिड्दैछ। 

लिगमा फ्रेन्ड्स १२ खेलमा १४ अंक जोड्दै १० औं स्थानमा रहेको छ । उती एपीएफ १२ खेलमा १७ अंक जोड्दै छैटौं स्थानमा रहेको छ ।

 त्यस्तै आज हुने अन्तिम खेलमा साँझ ६ बजे त्रिपुरेश्वरस्थित दशरथ रंगशालामा एफसी खुमलटार र नेपाल पुलिस क्लब भिड्दैछन्।

लिगमा खुमलटार १२ खेलमा १३ अंक जोड्दै तालिकाको १२ औं स्थानमा रहेको छ । उता पुच्छारमा रहेको पुलिसको १२ खेलमा ९ अंक रहेको छ ।