जोर्डन जाने यु-१७ नेपाली महिला टोलीको विदाइ

काठमाडौ- जोर्डनमा आयोजना हुन लागेको  एएफसी यु–१७ महिला एसियन कप छनोटमा सहभागी हुन जान लागेको नेपाली यु-१७महिला टोलीलाई आज अखिल नेपाल फुटबल संघ एन्फाले बिदाइ गरेको छ ।

प्रतियोगिता जोर्डनमा अप्रिल २६ देखि ३० सम्म हुनेछ। जसमा नेपाल समूह एच मा रहेको छ ।

नेपाल सम्मिलित समूहमा आयोजक जोर्डन र इरान रहेका छन्। 

छनोटमा नेपालले पहिलो खेल अप्रिल २६ मा इरानसँग र दोस्रो खेल अप्रिल २८ मा आयोजक जोर्डनसँग खेल्नेछ।

छनोटबाट शीर्ष टोलीले दोस्रो चरणमा प्रवेश गर्नेछ।