हिमालयन शेर्पालाई थ्री स्टारले हरायो

काठमाडौ- जारि शहिद स्मारक ए डिभिजन लिगमा आज भएको खेलमा हिमालयन शेर्पा क्लबलाई थ्री स्टार क्लबले पराजित गरेको छ ।

सातदोबाटोस्थित एन्फा कम्प्लेक्समा भएको खेलमा थ्री स्टारले हिमालयन शेर्पालाई १–० गोलअन्तरले पराजित गरेको हो ।

थ्री स्टारका लागी  खेलको १५औं मिनेटमा हिमालयन शेर्पाका सञ्जित राईले आत्मघाती गरे।

यो जितसंगै थ्री स्टार १० खेलबाट १८ अंक जोड्दै तालिकाको दोस्रो स्थानमा उक्लिएको छ । यता  हिमालयन शेर्पा १० खेलबाट ९ अंकसहित १३औँ स्थानमा रहेको छ ।