संकटाविरुद्ध जावलाखेलको नाटकिय बराबरि

काठमाडौ- जारि शहिद स्मारक ए डिभिजन लिगमा जावलाखेल युथ क्लबले संकटा क्लबविरुद्ध नाटकिय बराबरी गरेको छ।

खेलको ७५ औ मिनेटसम्म २-० गोललेपछि परेको जावलाखेलले त्यसपछि २ गोल फर्काउदै २-२ को अवस्थामा पुर्यायो।

दशरथ रंगशालामा सम्पन्न खेलमा जावलाखेल र संकटा २-२ गोलको बराबरी खेल्दै अंक बाढे।

संकटाका लागी खेलको ४३औं मिनेटमा आयुष घलान र खेलको ७३औं मिनेटमा चन्दन कुमार दासले गोल गरे।

यता जावलाखेलका लागी ७७औं मिनेटमा एनकोटो मासाओबी र खेलको ८६औँ मिनेटमा समिराज ठोकरले गोल गरे।

यो नतिजासंगै जावलाखेल २० खेलमा ३३ अंकसहित तेस्रो स्थानमा रहेको छ । त्यस्तै संकटाको २० खेलमा २३ अंक रहेको छ ।