थ्री स्टारविरुद्ध मछिन्द्र, हिमालयन शेर्पाविरुद्ध जावलाखेल र सातदोबाटोविरुद्ध संकटा मैदानमा

काठमाडौ- जारि सहिद स्मारक 'ए' डिभिजन लिग फुटबलमा आज तीन खेल हुँदैछ।

त्रिपुरेश्वरस्थित दशरथ रंगशालामा दिउँसो ३ बजे सुरु हुने खेलमा थ्री स्टार क्लब र मछिन्द्र फुटबल क्लब भिड्दैछन्।

थ्री स्टार ११ खेलमा २१ अंक जोड्दै तालिकाको दोस्रो स्थानमा रहदा मछिन्द्र ११ खेलमा १६ अंक जोड्दै सातौं  स्थानमा रहेको छ ।

सोहि समय च्यासल रंगशालामा रोयल ब्लु सातदोबाटो युथ क्लब र संकटा क्लब भिड्दैछन्।

लिगमा सातदोबाटो ११ खेलमा १८ अंकसगित पाँचौं स्थानमा रहदा संकटा ११ खेलमा १५ अंक जोड्दै नवौं स्थानमा रहेको छ ।

त्यस्तै आज हुने अन्तिम खेलमा साँझ ६ बजे दशरथ रंगशालामा हिमालयन शेर्पा र लिग लिडर जावलाखेल युथ क्लब भिड्दैछन्।

लिग लिडर जावलाखेलको ११ खेलमा २३ अंक रहेको छ । उता हिमालयन शेर्पा ११ खेलमा १० अंक जोडेर १३ औं स्थानमा रहेको छ ।