संकटालाई हराउदै फ्रेन्ड्सको कमब्याक संकेत

काठमाडौ- जारि सहिद स्मारक 'ए' डिभिजन लिगमा आज भएको अन्तिम खेलमा फ्रेन्ड्स क्लबले संकटा क्लबलाई पराजित गरेको छ ।

त्रिपुरेश्वरस्थित दशरथ रंगशाला भएको खेलमा  संकटा क्लबलाई फ्रेन्ड्स क्लबले ३-१ गोल अन्तरले पराजित गरेको हो । 

फ्रेन्ड्सलाई जिताउन प्रकाश बुढाथोकीले पाचौ, टोरीक जेब्रिनले २५ औ र राफिक एमिनुले इन्जुरि टाइममा गोल गरे।

यता संकटाका लागी जुनियर एनकेनगुएले नवौ मिनेटमा गोल गरे।

यो जितसंगै फ्रेन्ड्स क्लब १० खेलमा ११ अंक जोड्दै तालिकाको दशौँ स्थानमा उक्लिएको छ ।

उता पराजित भएको संकटा १५ अंकका साथ सातौं स्थानमा रहेको छ ।