चर्च ब्वाइजविरुद्ध सातदोबाटो र थ्री स्टारविरुद्ध हिमालयन शेर्पा मैदानमा

काठमाडौ- जारि सहिद स्मारक 'ए' डिभिजन लिगमा आज दुई खेल हुदैछन्।

पहिलो खेलमा थ्री स्टार क्लबले हिमालयन शेर्पा क्लबविरुद्ध खेल्दैछ। एन्फा कम्प्लेक्समा यीदुई बीचको खेल दिउँसो ३ बजे सुरु हुनेछ ।

लिगमा थ्रीस्टार ९ खेलमा १५ अंक जोडेर तेस्रो स्थानमा रहेको छ ।

हिमालयन शेर्पाको समान खेलमा ९ अंक जोडेर १३ औं स्थानमा रहेको छ।

आज हुने अन्तिम खेलमा चर्च ब्वाइज युनाईटेड र रोयल ब्लु सातदोबाटो युथ क्लब मैदान उत्रिदैछन्।

त्रिपुरेश्वरस्थित दशरथ रंगशाला यीदुईबीचको खेल साँझ ६ बजे सुरु हुनेछ ।

लिगमा सातदोबाटो ९ खेलमा १७ अंक जोड्दै तालिकाको दोस्रो स्थानमा रहेको छ । त्यस्तै चर्च ब्वाइज समान खेलमा १५ अंक जोडेर छैटौं स्थानमा रहेको छ ।