सातदोबाटोविरुद्ध हिमालयन शेर्पा विजयी

काठमाडौ- जारि सहिद स्मारक 'ए' डिभिजन लिग फुटबलमा हिमालयन शेर्पा क्लबले सातदोबाटो युथ क्लबलाई पराजित गरेको छ ।

च्यासल रंगशालामा भएको खेलमा शेर्पाले सातदोबाटोलाई १-० गोलअन्तरले पराजित गरेको हो ।

शेर्पाको जितमा एकमात्र गोल खेलको ६५ औं मिनेटमा खामिर गिल्सनले गरे।

यो जितसंगै शेर्पा १४ खेलमा १७ अंक जोड्दै  आठौं स्थानमा उक्लिएको छ । उता सातदोबाटो समान खेलमा २२ अंक जोड्दै चौंथो स्थानमा झरेको छ ।